Reitbeteiligung auf toller Haflingerstute zu vergeben in 8514/8512

Hallo zemä 😊
Mir, also mis Rössli, mini Riitibeteiligung und ich sueched noch ere wiitere Understützig i üsem Team. 🐎🤠🤠
S suechende Rössli isch e 19 Jöhrigi Hafligerstuete. Sie isch trotz ihrem Alter fit, aber es bruucht teilwiis ziemli Überzügig für schnelleri Gangarte. Galoppiere tuet sie nur, wenn zwüsche Riiter und ihre alles passt. Het de Riiter en schlechte Tag, denn schenkt sie eim nüüt 😅. Und au sie cha mol en schlechte Tag und Null Bock ha. Nochdem ihri eini und einzig Macke erwähnt worde isch no zu ihrne vielne Vorteil!
Sie isch zu 99% Vochehrs-, Mensche- und Hundesicher.
Sie isch en super Lehrmeister, will sie nöd alles schenkt, aber immer zuevolässig dur jedi Situation goht.
Sie liebt Abwächslig und isch für jede Seich und jedes Abentür zha (egal ob Bodearbet, Longe, Kutschefahre, Trail, Platzarbet oder Gländ).
Sie fahrt problemlos Ahhänger.
Sie isch Gymkhana und Turnier gwohnt.

Was i zuesätzli zum Pony cha büüte:
- schöns Uusritgebiet
- chliises Plätzli für Bodearbeit
- tolls und unkomplizierts Stallklima
- Teilnahm a Gymkhana, Kürs, Riitstunde oder Turnier uf eigeti Chöschte mögli
- Westernuusrüstig, Bodearbeitsuusrüstig und Fahruusrüstig

Was mir sueched:
- Einzelperson oder Muetter-Chind-Gspann wo s Pony gern möcht betüdle und Riite nöd im Vordergrund stoht und 1x under de Wuche Ziit het
- Zuevolässigkeit, Wetterfestigkeit, Ehrlichkeit sötted kei Fremdwörter sii! 😉
- Au mol chöne Ahpacke und bim Stall oder andere Arbeite am Stall helfe (nur ab und zue).
- Fürsorglich zu Tier (Fairness) und Material
- En Fehler zerscht bi sich und nöd bim Ross sueche und Tipps vo mir au chöne ahneh 😅
Bedingige:
- 100.-/Monat Chostebeteiligung und ab und zue mol Lederzüüg fette oder mischtä

Soodeli, i chönnt natürli no viel meh über üs schriebe, aber am beschte meldsch di eifach bi mir und mir lerned üs kenne. Melded eu gern!😊
D Amira stoht sicher bis im Mai no in 8514 Bänikon TG und ab denn in 8512 Wetzikon TG (det isch denn au en grosse Platz vorhande)